Comment en la court du maistre ingeni-
eux Pantagruel detesta les Enga-
strimythes & les Gastrolatres.
Chapitre LVIII.

En la court de ce grand mai-
stre Ingenieux Pantagruel ap-
perceut deux manieres de
gens appariteurs importuns
& par trop officieux, les
quelz il eut en grande abhomination. Les
uns estoient nommez Engastrimythes, les
aultres Gastrolatres. Les Engastrimythes
soy disoient estre descenduz de l’antique
race de Eurycles, & sur ce alleguoient le
tesmoinnaige de Aristophanes en la come-
die intitulee les Tahons, ou mousches gues-
pes. Dont anciennement estoient dictz
Eurycliens, comme escript Plato, & Plu-
tarche on livre de la cessation des Ora-
cles. Es saincts Decretz 26. quest. 3
sont appellez Ventriloques: & ainsi les



122
nomme en langue Ionicque Hippocrates
Lib. 5. Epid. comme parlans de ventre. So-
phocles les appelle Sternomantes. C’estoient
divinateurs, enchanteurs, & abuseurs du
simple peuple, semblans non de la bouche,
mais du ventre parler & respondre a ceulx
qui les interrogeoient.

Telle estoit environ l’an de nostre be-
noist Servateur 1513. Jacobe Rodogine
Italiane femme de basse maison. Du ven-
tre de laquelle nous avons souvent ouy, aus-
si ont aultres infiniz en Ferrare & ailleurs
la voix de l’esprit immonde, certainement
basse, foible, & petite: toutesfoys bien arti-
culee, distincte, & intelligible, lors que par
la curiosité des riches seigneurs & princes
de la Guaulle Cisalpine elle estoit appellee
& mandee. Les quelz pour houster tout
doubte de fiction & fraulde occulte, la fai-
soient despouiller toute nue, & luy faisoient
clourre la bouche & le nez. Cestuy maling
esprit se faisoit nommer Crespelu, ou Cin-
cinnatule: & sembloit prendre plaisir ainsi
estant appellé. Quand ainsi on l’appelloit,
soubdain aux propous respondoit. Si on l’in-
terrogeoit des cas praesens ou passez, il en
respondoit pertinemment, jusques a tirer
les auditeurs en admiration. Si des choses



[122v]
futures: tousjours mentoit, jamais n’en di-
soit la verité. & souvent sembloit confes-
ser son ignorance, en lieu de y respondre
faisant un gros pet. ou marmonnant quel-
ques motz non intelligibles, & de barbare
termination.

Les Gastrolatres d’un aultre cousté se
tenoient serrez par trouppes & par bandes,
joyeulx, mignars, douilletz aulcuns: aultres
tristes, graves, severes, rechignez: tous oci-
eux, rien ne faisans, poinct ne travaillans,
poys & charge inutile de la Terre, comme
dict Hesiode: craignans (scelon qu’on po-
voit juger) le Ventre offenser, & emmai-
grir. Au reste masquez, desguisez, & vestuz
tant estrangement, que c’estoit belle chose.
Vous dictez, & est escript par plusieurs sai-
ges & antiques Philosophes, que l’indu-
strie de Nature appert merveilleuse en l’es-
batement qu’elle semble avoir prins for-
mant les Coquilles de mer: tant y veoyd on
de varieté, tant de figures, tant de couleurs,
tant de traictz & formes non imitables par
art. Je vous asceure qu’en la vesture de ces
Gastrolatres Coquillons ne veismes moins
de diversité & desguisement. Ilz tous te-
noient Gaster pour leur grand Dieu: le a-
doroient comme Dieu: luy sacrifioientsacrifioient com



123
me a leur Dieu omnipotens: ne recongnois-
soient aultre Dieu que luy: le servoient, ay-
moient sus toutes choses, honoroient com
me leur Dieu. Vous eussiez dict que pro-
prement d’eulx avoit le sainct Envoyé es-
cript. Philippens . 3. Plusieurs sont des quelz
souvent je vous ay parlé (encores praesen-
tement je le vous diz les larmes a l’oeil) en-
nemis de la croix du Christ: des quelz Mort
sera la consommation: des quelz Ventre est
le Dieu. Pantagruel les comparoit au Cy-
clope Polyphemus: lequel Euripides faict
parler comme s’ensuyt. Je ne sacrifie que a
moy (aux Dieux poinct) & a cestuy mon
Ventre le plus grand de tous les Dieux.