Comment Pantagruel passa l'isle de Ta-
pinois en la quelle regnoit Quaresme-
prenant.
Chapitre XXIX.

Les naufz du joyeulx convoy
refaictes & reparees: les victu-
ailles refraischiz: les Macraeons
plus que contens & satisfaictz
de la despense que y avoit faict Pantagruel:
nos gens plus joyeulx que de coustume, au
jour subsequent feut voile faicte au serain
& delicieux Aguyon, en grande alaigres-



63
se. Sus le hault du jour feut par Xenoma-
nes monstré de loing l'isle de Tapinois en
laquelle regnoit Quaresmeprenant: du-
quel Pantagruel avoit aultre foys ouy par-
ler, & l’eust voluntiers veu en persone, ne
feut que Xenomanes l’en descouraigea,
tant pour le grand destour du chemin, que
pour le maigre passetemps qu’il dist estre
en toute l’isle & court du Seigneur. Vous
y voirez (disoit il) pour tout potaige un
grand avalleur de poys gris, un grand cac-
querotier, un grand preneur de Taulpes,
un grand boteleur de foin, un demy geant
a poil follet & double tonsure extraict de
Lanternoys, bien grand Lanternier: con-
falonnier des Ichthyophages: dictateur de
Moustardois: fouetteur de petitz enfans:
calcineur de cendres: pere & nourrisson
des medicins: foisonnant en pardons, in-
dulgences, & stations: home de bien: bon
catholic, & de grande devotion. Il pleure
les troys pars du jour. Jamais ne se trouve
aux nopces. Vray est que c’est le plus indu-
strieux faiseur de lardoueres & brochettes
qui soit en quarante royaulmes. Il y a en-
viron six ans que passant par Tapinois j’en
emportay une grosse, & la donnay aux
bouchiers de Quande. Ilz les estimerent L ij



[63v]
beaucoup, & non sans cause. Je vous en
monstreray a nostre retour deux attachees
sus le grand portail. Les alimens des quelz
il se paist sont aubers sallez, casquets, mor-
rions sallez, & salades sallees. Dont quel-
que foys patit une lourde pissechaulde. Ses
habillemens sont joyeulx, tant en façon
comme en couleur. Car il porte gris et
froid: rien davant, & rien darriere: & les
manches de mesmes.

Vous me ferez plaisir, dist Pantagruel,
si comme m’avez exposé ses vestemens, ses
alimens, sa maniere de faire, & ses passe-
temps: aussi me exposez sa forme & cor-
pulence en toutes ses parties. Je t’en prie
Couillette, dist frere Jan: Car je l’ay trouvé
dedans mon breviaire: & s’en fuyt apres
les festes mobiles. Voluntiers, respondit
Xenomanes. Nous en oyrons par adven-
ture plus amplement parler passans l’isle
Farouche, en laquelle dominent les An-
douilles farfelues ses ennemies mortelles:
contre les quelles il a guerre sempiternel-
le. & ne feust l’aide du noble Mardigras
leur protecteur & bon voisin, ce grand
Lanternier Quaresmeprenant les eust ja
pieça exterminees de leur manoir: Sont
elles (demandoit frere Jan) masles ou fe-



64
melles? anges ou mortelles? femmes ou
pucelles. Elles sont, respondit Xenoma-
nes, femelles en sexe, mortelles en condi-
tion: aulcunes pucelles, aultres non. Je me
donne au Diable, dist frere Jan, si je ne suys
pour elles. Quel desordre est ce en nature
faire guerre contre les femmes? Retour-
nons. Sacmentons ce grand villain.

Combatre Quaresmeprenant (dist Pa-
nurge) de par tous les Diables? Je ne suys
pas si fol & hardy ensemble. Quid juris, si
nous trouvions envelopez entre Andouil-
les & Quaresmeprenant? Entre l’enclu-
me & les marteaulx? Cancre. Houstez vous
de la. Tirons oultre. Adieu vous diz Qua-
resmeprenant. Je vous recommande les
Andouilles: & n’oubliez pas les Boudins.