niveau logique précédentniveau logique suivant


Comment Pantagruel en l'isle de Meda-
mothi achapta plusieurs belles choses.

Chapitre II.


Cestuy jour, & les deux subse-
quens ne leurs apparut terre ne
chose aultre nouvelle. Car aultres
foys avoient aré ceste rout-
te. Au quatrieme descouvrirent
une isle nommee Medamothi, belle a l’oeil



[4v]
& plaisante a cause du grand nombre des
Phares & haultes tours marbrines, des quel-
les tout le circuit estoit orné, qui n’estoit
moins grand que de Canada. Pantagruel
s’enquerant qui en estoit dominateur en-
tendit, que cestoit le roy Philophanes, lors
absent pour le mariage de son frere Philo-
theamon avecques l’Infante du royaulme
de Engys. Adoncques descendit on havre,
contemplant, ce pendent que les chormes
des naufz faisoient aiguade, divers tableaulx,
diverses tapisseries, divers animaulx, pois-
sons, oizeaulx, & aultres marchandises exo-
tiques & peregrines, qui estoient en l’allee
du mole, & par les halles du port. Car ce-
stoit le tiers jour des grandes & solennes
foires du lieu: es quelles annuellement con
venoient tous les plus riches & fameux
marchans d’Afrique & Asie. D’entre les
quelles frere Jan achapta deux rares & pre
cieux tableaux: en l’un des quelz estoit au
vif painct le visaige d’un appellant: en l’aul
tre estoit le protraict d’un varlet qui cherche
maistre, en toutes qualitez requises, gestes,
maintien, minois, alleures, physionomie, et
affections: painct & inventé par maistre Char
les Charmois painctre du roy Megiste: et
les paya en monnoie de Cinge.



5
Panurge achapta un grand tableau painct
& transsumpt de l’ouvrage jadis faict a l’ai-
guille par Philomela exposante & repre-
sentante a sa soeur Progné, comment son
beaufrere Tereus l’avoit dupucelleedepucellée: & sa
langue couppee, affin que tel crime ne de-
celast. Je vous jure par le manche de ce fal-
lot, que c’estoit une paincture gualante et
mirifique. Ne pensez, je vous prie, que ce
feust le protraict d’un homme couplé sus une
fille. Cela est trop sot, & trop lourd. La
paincture estoit bien aultre, & plus intelli-
gible. Vous la pourrez veoir en Theleme a
main guausche entrans en la haulte gual-
lerie. Epistemon en achapta une aultre,
on quel estoient au vif painctes les Idees de
Platon, & les Atomes de Epicurus. Rhizo-
tome en achapta un aultre, on quel estoit
Echo selon le naturel representee.


Pantagruel par Gymnaste feist achapter
la vie & gestes de Achilles en soixante et
dixhuict pieces de tapisserie a haultes lisses,
longues de quatre, larges de trois toises, tou
tes de saye Phrygiene, requamee d’or et
d’argent. & commençoit la tapisserie au nopces
de Peleus & Thetis, continuant la nativité
d’Achilles, sa jeunesse descripte par Stace
Papinie: ses gestes & faictz d’armes celebrez



[5v]
par Homere: sa mort & exeques descriptz
par Ovide, & Quinte Calabrois: finissant
en l’apparition de son umbre, & sacrifice
de Polyxene descript par Euripides. Feist
aussi achapter trois beaulx & jeunes Uni-
cornes: un masle de poil alezan tostade, et
deux femelles de poil gris pommelé. En-
semble un Tarande, que luy vendit un Scy
thien de la contree des Gelones.


Tarande est un animal grand comme
un jeune taureau, portant teste comme est
d’un cerf, peu plus grande: avecques cor-
nes insignes largement ramees: les piedz
forchuz: le poil long comme d’un grand
Ours: la peau peu moins dure, qu’un corps
de cuirasse. & disoit le Gelon peu en estre
trouvé parmy la Scythie: par ce qu’il chan-
ge de couleur selon la varieté des lieux es
quelz il paist & demoure. & represente la
couleur des herbes, arbres, arbrisseaulx,
fleurs, lieux, pastiz, rochiers, generalement
de toutes choses qu’il approche. Cela luy
est commun avecques le Poulpe marin, cest
le Polype: avecques les Thoes: avecques
les Lycaons de Indie: avecques le Chame-
leon: qui est une espece de Lizart tant ad-
mirable, que Democritus a faict un livre
entier de sa figure, anatomie, vertus, et proprieté



6
proprieté en Magie. Si est ce que je l’ay
veu couleur changer non a l’approche seu-
lement des choses colorees, mais de soy
mesmes, selon la paour & affections qu’il
avoit. Comme sus un tapiz verd, je l’ay veu
certainement verdoyer: mais y restant
quelque espace de temps devenir jaulne,
bleu, tanné, violet par succes: en la façon
que voiez la creste des coqs d’Inde couleur
scelon leurs passions changer. Ce que sus tout
trouvasmes en cestuy Tarande admirable
est, que non seulement sa face & peau, mais
aussi tout son poil telle couleur prenoit,
quelle estoit es choses voisines. Pres de Pa-
nurge vestu de sa toge bure, le poil luy de-
venoit gris: pres de Pantagruel vestu de
sa mante d’escarlate, le poil & peau luy rou
gissoit: pres du pilot vestu a la mode des
Isiaces de Anubis en Aegypte, son poil ap-
parut tout blanc. Les quelles deux dernie-
res couleurs sont au Chameleon deniees.
Quand hors toute paour & affections il
estoit en son naturel, la couleur de son poil
estoit telle que voiez es asnes de Meung.


previousniveau suivant

text encoding initiativePowered by XTF