71

Comment par Pantagruel feut un mon-
strueux Physetere apperceu pres lisle
Farouche.
Chapitre XXXIII.

Sus le hault du jour approchans
l'isle Farouche, Pantagruel de
loing apperceut un grand et
monstrueux Physetere, venent
droict vers nous bruyant, ronflant enfle en-
levé plus hault que les hunes des naufz, et
jectant eaulx de la gueule en l’air davant soy,
comme si feust une grosse riviere tombante de
quelque montaigne. Pantagruel le mon-
stra au pilot, & a Xenomanes. Par le con-
seil du pilot feurent sonnees les trompet-
tes de la Thalamege en intonation de Gua-
re Serre. A cestuy son toutes les naufz,
Guallions, Ramberges, Liburnicques (sce-
lon qu’estoit leur discipline navale) se mi-
rent en ordre & figure telle qu’est le ν Gre-
geois letre de Pythagoras: telle que voyez
observee par les Grues en leur vol: telle
qu’est en un angle acut: on cone & base de
laquelle estoit la dicte Thalamege en equip-
page de vertueusement combatre.

Frere Jan on chasteau guaillard monta
guallant & bien deliberé avecques les bom- M ij



[71v]
bardiers. Panurge commença crier & la-
menter plus que jamais. Babillebabou (di-
soit il) voicy pis qu’antan. Fuyons. Cest, par
la mort boeuf, Leviathan descript par le
noble prophete Moses en la vie du sainct
home Job. Il nous avallera tous & gens et
naufz, comme pillules. En sa grande gueule
infernale nous ne luy tiendrons lieu plus
que feroit un grain de dragee musquee en
la gueule d’un asne. Voyez le cy. Fuyons,
guaingnons terre. Je croy que cest le pro-
pre monstre marin qui feut jadis destiné
pour devorer Andromeda. Nous sommes
tous perduz. O que pour l’occire praesen-
tement feust icy quelque vaillant Perseus.
Persé jus par moy sera, respondit Panta-
gruel. N’ayez paour. Vertus Dieu, dist Pa-
nurge, faictez que soyons hors les causes
de paour. Quand voulez vous que j’aye
paour, sinon quand le dangier est evident?
Si telle est (dist Pantagruel) vostre destinee
fatale, comme naguieres exposoit frere
Jan, vous doibvez paour avoir de Pyroeis,
Heoüs, Aethon, Phlegon celebres chevaulx
du Soleil flammivomes, qui rendent feu
par les narines: des Physeteres, qui ne jet-
tent qu’eau par les ouyes & par la gueule,
ne doibvez paour aulcune avoir. Ja par



72
leur eau ne serez en dangier de mort. Par
cestuy element plus toust serez guaranty
& conservé que fasché ne offensé.

A l’aultre, dist Panurge. C’est bien ren-
tré de picques noires. Vertus d’un petit
poisson ne vous ay je assez exposé la trans-
mutation des elemens, & le facile symbole
qui est entre roust & bouilly, entre bouilly
& rousty? Halas. Voy le cy. Je m’en voys
cacher la bas. Nous sommes tous mors a
ce coup. Je voy sus la hune Atropos la fe-
lonne avecques ses cizeaulx de frays es-
mouluz preste a nous tous coupper le filet
de vie. Guare. Voy le cy. O que tu es hor-
rible & abhominable. Tu en as bien noyé
d’aultres, qui ne s’en sont poinct vantez. Dea
s’il jectast vin bon, blanc, vermeil, friant, de-
licieux, en lieu de ceste eau amere, puante,
sallee, cela seroit tollerable aulcunement:
& y seroit aulcune occasion de patience, a
l’exemple de celluy milourt Anglois, auquel
estant faict commendement pour les cri-
mes des quelz estoit convaincu, de mourir
a son arbitraige, esleut mourir nayé dedans
un tonneau de Malvesie. Voy le cy. Ho ho
Diable Sathanas, Leviathan. Je ne te peuz
veoir, tant tu es ideux[sic] & detestable. Vestz
a l’audience: vestz aux Chiquanous.

M iij