Privilege du Roy.

HENRY par la grace de Dieu
Roy de France, au Prevost de
Paris, Bailly de Rouen, Senes-
chaulx de Lyon, Tholouze,
Bordeaux, Daulphiné, Poictou, et à tous nos
aultres justiciers & officiers, ou a leurs lieu-
tenants, & a chascun d’eulx si comme a luy
appartiendra, salut & dilection. De la partie
de notre cher & bien ayme M. François Rabe-
lais docteur en medicine, nous a esté expo-
sé que icelluy suppliant ayant par cy devant
baillé a imprimer plusieurs livres: en Grec,
Latin, François, & Thuscan, mesmement cer-
tains volumes des faicts & dicts Heroïques
de Pantagruel, non moins utiles que delecta-
bles: les Imprimeurs auroient iceulx livres
corrompuz, depravez, & pervertiz en plu-
sieurs endroictz. Auroient d’avantage im-
primez plusieurs autres livres scandaleux,
ou nom dudict suppliant, a son grand des-
plaisir, prejudice, & ignominie par luy to-
talement desadvouez comme faulx & sup-
posez: lesquelz il desireroit soubs nostre
bon plaisir & volonté supprimer. Ensemble
les autres siens advouez, mais depravez & A ij



[2v]
desguisez, comme dict est, reveoir & corriger
& de nouveau reimprimer. Pareillement
mettre en lumiere & vente la suitte des
faicts & dicts Heroïques de Pantagruel.
Nous humblement requerant surce, luy
octroyer nos letres a ce necessaires & con-
venables. Pource est il que nous enclinans
liberalement a la supplication & requeste
dudict M. François Rabelais, exposant &
desirans le bien & favorablement traicter
en cest endroict. A icelluy pour ces causes
& autres bonnes considerations a ce nous
mouvans, avons permis accordé & octro-
yé. Et de nostre certaine science pleine
puissance & auctorité Royal, permettons
accordons & octroyons par ces presentes,
qu’il puisse & luy soit loisible par telz im-
primeurs qu’il advisera faire imprimer, &
de nouveau mettre & exposer en vente tous
& chascuns lesdicts livres & suitte de Pan-
tagruel par luy composez & entreprins, tant
ceulx qui ont ja esté imprimez, qui seront
pour cest effect par luy reveuz & corri-
gez. Que aussi ceulx qu’il delibere de nou-
vel mettre en lumiere. Pareillement sup-
primer ceulx qui faulcement luy sont at-
tribuez. Et affin qu’il ayt moyen de sup- porter



3
porter les fraiz necessaires a l’ouverture
de ladicte impression: avons par ces presen
tes tresexpressement inhibé & deffendu, in-
hibons & deffendons a tous autres librai-
res & imprimeurs de cestuy nostre Roy-
aulme, & autres nos terres & seigneu-
ries, qu’ilz n’ayent a imprimer ne faire im-
primer mettre & exposer en vente aucuns
des dessusdicts livres, tant vieux que nou-
veaux durant le temps & terme de dix ans
ensuivans & consecutifz, commençans au
jour & dacte de l’impression desdicts li-
vres sans le vouloir & consentement du-
dict exposant, & ce sur peine de confisca-
tion des livres qui se trouverront avoir esté
imprimez au prejudice de ceste nostre pre
sente permission & d’amende arbitraire.

Si voulons & vous mandons & a cha-
scun de vous endroict soy & si comme a luy
appartiendra, que nos presens congé licen-
ce & permission, inhibitions & deffenses,
vous entretenez gardez & observez. Et si
aucuns estoient trouvez y avoir contreve-
nu, procedez & faictes proceder a l’encon-
tre d’eulx, par les peines susdictes & autre-
ment. Et du contenu cy dessus faictes, le-
dict suppliant jouyr & user plainement & A iij



[3v]
paisiblement durant ledict temps a com-
mencer & tout ainsi que dessus est dict. Ces-
sans & faisans cesser tous troubles & em-
peschemens au contraire: car tel est nostre
plaisir. Nonobstant quelzconques ordon-
nances, restrinctions, mandemens, ou def-
fenses a ce contraires. Et pource que de ces
presentes lon pourra avoir a faire en plu-
sieurs & divers lieux, Nous voulons que
au vidimus d’icelles, faict soubs seel Royal,
foy soit adjoustée comme a ce present ori-
ginal.Donné a sainct Germain en laye
le sixiesme jour d’Aoust, L’an de grace mil
cinq cens cinquante, Et de nostre regne le
quatreiesme.

Par le Roy, le cardinal de Chastillon
praesent. Signé Du Thier.