❡ Du gouverneur & seigneur de
ceste annee. Chapitre premier.

QUelque chose que vous disent ces folz Astrologues
de lovain de Nurnberg/ de Tubinge & de Lyon/ ne
croyez point que ceste annee il y ayt aultre gouver
neur de l’universel monde que Dieu/ le createur/ le
quel par sa divine parolle tout regist & modere/ par laquelle
sont toutes choses en leur nature propriete & condition/ et
sans la maintenance et gouvernement duquel toutes choses
seroient en ung moment reduictes a neant comme de neant el-
les ont este par luy produictes en leur estre. Car de luy vient/
en lui est/ & par luy se parfaict tout estre et tout bien toute vie
& mouvement comme dit la trompette evangelicque mon-
seigneur sanictsainct Paul .Ro xi. Doncques le gouverneur de ce
ste annee & toutes aultres selon nostre veridicque resolution
sera Dieu tout puissant. Et ne aura Saturne ne Mars ne Ju
piter ne aultre planete/ certes non pas les anges ni les sa-
inctz ny les hommes ny les diables vertuz/ efficace/ puissance
ne influence aulcune si Dieu de son bon plaisir ne leur donne.
Comme dict Avicenne/ que les causes secondes ne ont influ
ence ne action aulcune si la cause premiere n’y influe.

❡ De l’eclipse de ceste
annee. Chap.Chapitre ii.

CEste annee sera eclipse de Lune le. iiii. jour D’aoust. Sa
turne sera retrograde. Venus directe. Mercure incon
stant. Et ung tas d’aultres planetes ne yront pas com-
me aultres foys. dont pour ceste annee les chancres yront de cou
ste/ & les cordiers a recullont/ les escabelles monteront sur les
bancqs/ les coissins se trouveront ou pied du lict/ lez couilles pen
dront a plusieurs par faulte de gibessiere/ le ventre ira devant/
le cul se assoyra le premier/ l’on ne pourra trouver la feubve
au guasteau des Roys/ l’on ne rencontrera point d’as au flux/
le dez ne dyra point a soubhait quoy qu’on le flate/ les bestes
parleront en divers lieux. Quaresmeprenant guaignera son
proces/ l’une partie du monde se desguisera pour tromper l’au
tre l’on ne veyt oncques tel desordre en nature. Et se feront ce-
ste annee plus de .xxvii. verbes anormaulx sy Priscian ne
les tient de court. Sy dieu ne nous ayde nous aurons prou d’af
fayres. Mays au contrepoint s’il est pour nous riens ne nous
pourra nuyre comme dit le celeste Astrologue/ qui fut ravy
jusques au Ciel/ Ro. viii. c. Si deus pro nobis quis contra nos?.[sic]

❡ Des maladies de ceste annee. Chap.Chapitre iii.

CEste annee les aveugles ne verront que bien peu/ les
sourdz oyront assez mal/ les muetz ne parleront guieres.
les Riches se porteront ung peu mieulx que les pou-
vres & les sains mieulx que les malades. Plusieurs Moutons
Beufz/ Pourceaulx/ Oysons/ Pouletz/ & Canars mourront
et n’y aura pas sy cruelle mortalite entre les cinges et Dro-
madayres. Viellesse sera incurable ceste annee a cause des an
nees passees. Ceulx qui seront pleureticques/ auront grant mal
au couste/ ceulx quy auront fluz de ventre yront souvent a la cel
le percee/ leles catarrhes descendront ceste annee du cerveau es
membres inferieurs. Et regnera quasi universellement/ Une
maladie bien horrible/ redoubtable/ maligne/ perverse/ espo
ventable/ & mal plaisante/ laquelle rendra le monde bien eston
eneston
ne/ et dont plusieurs ne scauront de quel boys fayre fleches/
et bien souvent composeront en ravasserie sylogisans en la



[5]
pierre philosophalle & l’appelle Averroys .vii. colliget faul
te d’argent. Et attendu la comete de l’an passe et la retrogra
dation de Saturne/ mourra a l’hospital ung grant marault
tout catarrhe et crousteleve.

❡ Des fruictz et biens croissans de terre. Chap.Chapitre iiii.

JE treuve par les calcules de Albumasar/ au livre de la
grande conjunction & ailleurs/ que ceste annee sera bien fertile avec-
ques plante de tous biens a ceulx quy auront de quoy. Mais
le hobelon de Picardie/ craindra quelque peu la froydure/ l’a
voyne fera grant bien es chevaulx. il ny aura gueres plus de
lart que de pourceaulx a cause de pisces ascendant. il sera grand
annee de caquerolles. Mercure menasse quelque peu le persil
mays ce nonobstant il sera a pris raysonnable. De blez de vins
de fructaiges & legumaiges on n’en veit oncques tant sy soub
haytz de pouuvrespouvres gens sont ouyz.

❡ De l’estat d’aulcunes gens. Chap.Chapitre v.

LA plus grande folie du monde est de penser qu’il y ayt des
astres pour les Roys/ Papes/ et gros seigneurs/ plus
tost que pour les pouvres & suffreteux comme sy nou-
velles estoilles avoyent este creez despuis le temps du delu-
ge/ ou de Romulus ou Pharamond a la nouvelle creation
des Roys. ce que Triboulet/ ny Cailhette/ ne diroyent pas qui
ont este toutesfois gens de hault scavoir et grant renom. Et
par adventure en l’arche de Noe/ ledict Triboulet estoit de
la ligne des Roys de Castille/ & Caillette du sang de Priam
mays toute cest erreur/ ne procede que par default de vraye foy
catholicque tenant doncques pour certain que les astres se soucient
aussi peu des roys/ comme des gueux & des riches comme des ma
raux je laisseray es aultres folz Prognosticqueurs a parler
des Roys & riches & parleray de celle des gens de bas estat.

❡ Et premierement des gens soubmis a Saturne/ comme
gens desporveuz d’argent/ jaloux/ resveurs/ mal pensans soubs-



[6]
onneux/ preneurs de taulpes/ usuriers rachapteurs de rentes ty
reurs de rivetz gens melancholicques/ n’auront pas ceste annee
tout ce qu’ilz vouldroient bien ilz s’estudiront a l’invention sain-
cte croix. & ne getteront poinct leur lart aux chiens/ et se gra
teront souvent la ou yl ne leur demenge pas.

❡ A Juppiter comme cagotz/ caffars porteurs de rogatons
Copistes/ Bulistes/ Dataires/ Chiquaneurs/ Moines/ Her
mites Hipocrites/ Chatemittes/ Barbouilleurs de papier
chaffoureurs de parchemin/ Notaires/ Raminagrobis/ se por
teront selon leur argent. Et tant mourra de gens d’eglise/ qu’on
ne pourra trouver a qui conferer les benefices/ en sorte que
plusieurs en tiendront deux/ troys/ quatre/ et davantaige.

❡ A Mars comme Bourreaux/ Meurtriers/ Adventuriers
Brigans/ Sergens/ records de tesmoings/ gens de guet/
Mortepais/ Arracheurs de dens/ coupeurs de couilles/
medicins de triquenicque qui se font kadeler par les rues/ re
nieurs de Dieu/ Allumetiers/ Boutefeux/ Ramonneurs
de cheminees/ Francz taupins/ charboniers/ Alkimistes/ pin
semailles/ feront ceste annee de beaux coups mais aulcuns
d’iceux seront fort subjectz a recepvoir quelque coup de baston
al’embleea l’emblee. Ung des susdictz sera ceste annee faict evesque des champs
donnant la benediction avec le pied aux passans.

❡ A Sol comme Bateleurs[Var. Boteleurs] de foin/ portefaix/ gueux de l’ho
staire/ Gaignedeniers/ Ravaudeurs/ Degresseurs de bonnetz
emboureurs de bastz/ loqueteurs/ clacquedens/ crocquelardons/
generallement tous portans la chemise noee sus le dos seront
sains et alaigres & ne auront point la goutte es dens quant ilz
seront de nopces.

❡ A Venus comme putains/ maquerelles/ ribleurs/ruffiens/
caignardiers/ chambrieres d’hotelerie/ Nomina mulierum
desinentia in iere/ ut lingiere/ taverniere/ buandiere/ frip-
piere/ seront ceste annee en reputation mais le Soleil entrant



[7]
en Cancer et aultres signes se doibvent guarder de Verolle/
de chancre/ de pisses chauldes/ poullains grenetz &c. Les non-
nains a grant peine concepvront sans operation virile/ & guie
res de pucelles n’auront de laict.

❡ A Mercure/ comme pipeurs/ trompeurs affineurs theri
acleurs/ larrons/ meusniers/ bateurs de pave/ maistres es ars
decretistes/ rimasseurs/ bastelleurs/ joueurs de passepasse/ en
chanteurs/ vielleurs/ oblieurs/ poetes/ escorcheurs de latin/
escumeurs de mer/ feront semblant d’estre plus joyeulx que
souvent ne seront & quelque foys riront lors que pas n’en au
ront talent. et seront fort subjectz a fayre bancques rouptes
s’ilz se trouvent plus d’argent en bourse que ne leur en fault.

❡ A la Lune/ comme bisouars/ lunaticques/ folz/ ecervelez/
acariastres/ esventez/ courratiers/ postez/ nacquetz/ verriers/
estradiotz/ n’auront ceste annee guieres d’arrest. Toutesfois
ne yront pas de litrelofres a Sainct Hiaccho/ comme feirent
L’an. D.xxiiii. il descendra grant abundance de micquelotz
de montaignes de Savoye/ & de Auvergne/ mays Sagitta-
rius les menasse des mules aux talons.

❡ De l’estat d’aulcuns pays. Chap.Chapitre vi.

LE noble Royaulme de France/ prosperera et triumphe-
ra ceste annee en tous plaisirs & delices tellement que les
nations estranges voulentiers se y retireront. Petitz banc-
quetz/ petitz esbatemens milles joyeusetes se y feront ou ung
chascun prendra plaisir. on n’y veit oncques tant de vins ny plus
frians force rabes en Lymosin/ force chastaignes en Peri-
gort et Daulphine/ force olyves en Languedoc/ force poys
sons en la mer/ force estoilles au ciel/ force sel en Brouage
plante de bledz/ legumaiges/ fructaiges/ jardinaiges/ beur-
res/ laictaiges/ nulle peste/ nulle guerre/ nul ennemy/ bren de
pouvrete/ bren de melancholie/ et ces vieulx doubles ducatz/
nobles a la rose/ angelotz/ et moutons a la grant laine retour-



[8]
neront en usance avecques plante de seraphz/ et escuz au
soleil. Toutesfoys sus le milieu de L’este sera a redoubter
quelque venue de pusses noyres et cheussons de la Deviniere.
Adeo nichil est ex omni parte beatum. Mays il les faudra bri-
der a force de collations vespertines.

❡ Italie/ Romanie/ Naples/ Cecile demeureront la ou el-
les estoient l’an passe. Ilz songeront bien profundement vers
la fin du Karesme/ & resveront quelques foys vers le hault du jour.

❡ Alemaigne/ Souisse/ Saxe/ Strasbourg &c. profiteront
s’ilz ne faillent. les porteurs de rogatons les doibvent redoub
ter. et ceste annee ne se y fonderont pas beaucop de anniversaires.

❡ Hespaigne/ Castille/ Portugal/ Arragon seront bien
subjectz a soubdaines alterations/ & craindront de mourir bien
fort/ autant les jeunes/ que les vieulx/ et pourtant se tiendront
chaudement et souvent compteront leurs escuz/ s’ilz en ont.

❡ Austriche/ Hongrye/ Turquie/ par ma foy mes bons hil
lotz je ne scay comment ilz se porteront/ et bien peu m’en sou-
cye veu la brave entree du Soleil en Capricornus/ & sy plus
en scavez n’en dittez mot/ mais attendez la venue du boyteux.

❡ Finis.