De la genealogie & antiquite de
Gargantua. Chap j.

JE vous remectz a la grande
chronicque Pantagrueline re
congnoistre la genealogie &
antiquite dont nous est venu



Fu.6.
Gargantua, En icelle vous entendrez
plus au long comment les Geands nas-
quirent en ce monde: & comment d’iceulxdiceulx
par lignes directes yssit Gargantua pe-
re de Pantagruel: & ne vous faschera,
si pour le present je m’enmen deporte. Com-
bien que la chose soit telle, que tant plus
seroit remembree, tant plus elle plairoit
a voz seigneuries comme vous avez l’au-
toritelau-
torite de Platon in Philebo & Gorgias,
& de Flacce, qui dict estre aulcuns pro-
pos telz que ceulx cy sans doubte, qui
plus sont delectables, quand plus sou-
vent sont redictz.

Pleust a dieu q’unqun chascun sceust
aussi certainement sa genealogie, depuis
l’archelarche de Noe jusques a cest eage. Je
pense que plusieurs sont aujourdhuy
empereurs, Roys, ducz, princes, & Pa-
pes, en la terre, lesquelz sont descenduz
de quelques porteurs de rogatons & de
coustretz. Comme au rebours plusieurs
sont gueux de l’hostiairelhostiaire, souffreteux, &
miserables: lesquelz sont descenduz de



[6v]
sang & ligne de grandz roys & empereurs
Attendu l’admirableladmirable transport des re-
gnes & empires.

Des Assyriens es Medes.

Des Medes es Perses.

Des Perses es Macedones.

Des Macedones es Romains.

Des Romains es Grecz.

Des Grecz es Francoys.

Et pour vous donner a entendre de moy
qui parle, je cuyde que soye descendu de
quelque riche roy ou prince au temps ja-
dis. Car oncques ne veistes homme, qui
eust plus grande affection d’estredestre roy &
riche que moy: affin de faire grand chere:
pas ne travailler, poinct ne me soucier,
& bien enrichir mes amys & tous gens
de bien & de scavoir. Mais en ce je me
reconforte, que en l’aultrelaultre monde je le se
ray: voyre plus grand que de present ne
l’auseroyelauseroye soubhaitter. Vous en telle ou
meilleure pensee reconfortez vostre ma
lheur, & beuvez fraiz si faire se peut.

Retournant a noz moutons je vous



Fu.7.
dictz que par don souverain des cieulx
nous a este reservee l’antiquitélantiquité & genea
logie de Gargantua, plus entiere que
nulle aultre, Exceptez celle du messias,
dont je ne parle, car il ne me appartient,
aussi les diables (ce sont les calumnia
teurs & caffars) se y opposent. Et fut
trouvee par Jean Audeau, en un pré qu’ilquil
avoit pres l’arceaularceau gualeau au dessoubz
de L’oliveLolive, tirant a Narsay. Duquel
faisant lever les fossez, toucherent les
piocheurs de leurs marres, un grand
tombeau de bronze long sans mesure:
car oncques n’ennen trouverent le bout, par
ce qu’ilquil entroit trop avant les excluses
de Vienne. Icelluy ouvrans en certain
lieu signé au dessus d’undun goubelet, a l’en
tourlen
tour duquel estoit escript en lettres Ethrus
ques, Hic bibitur, trouverent neuf flac-
cons en tel ordre qu’onquon assiet les quilles
en Guascoigne. Des quelz celluy qui
au mylieu estoit, couvroit un gros, gras
grand, gris, joly, petit, moisy, livret, plus
mais non mieulx sentent que roses.

[7v]

En icelluy fut ladicte genealogie trou
vee escripte au long, de lettres cancel-
leresques, non en papier, non en parche
min, non en cere: mais en escorce D’ul-
meauDul-
meau, tant toutesfoys usees par vetu-
sté, qu’aqua poine en povoit on troys recon
gnoistre de ranc.

Je (combien que indigne) y fuz ap-
pelle: & a grand renfort de bezicles pra-
cticant l’artlart dont on peut lire lettres non
apparentes, comme enseigne Aristoteles,
la translatay, ainsi que veoir pourrez
en Pantagruelisant, c’estcest a dire, beuvans
a gre, & lisans les gestes horrificques de
Pantagruel. A la fin du livre estoit un
petit traicte intitule, Les Fanfreluches
antidotees. Les ratz & blattes ou (affin
que je ne mente) aultres malignes be-
stes avoient brousté le commencement, le
reste j’ayjay cy dessoubz adjouste, par reve-
rence de l’antiquaillelantiquaille.